أسرار نجاح البيتزا
المقادير :
نعطيلكم مقادير نتاع زوج خبزات ونتوما ضاعفو المقادير
- 2 كيسان فرينة ( من الاحسن من النوع الجيد)
- ملعقة اكل ممسوحة خميرة الخبز
- زعتر يابس،
طريقة التحضير :
ملعقة زيت الزيتون ماء ذايب فيه الملح باش تعجني الفرينة ،تدلكيها مليح وانا نحب نعجنها باليد باش تحسي بالعجينة في يدك ،مدة الظلم وحد 15د،لازم تكون طرية
نخليها ترتاح نصف ساعة
ومن بعد تشكلي الكرات و تغطي عليهم وتخليها ترتاح من ست ساعات الى 24سا ،غطوهم ببلاستيك او علبة محكمة في الثلاجة من تحت( هذي وحدة من أسرار نجاح البيتزا و باش تجيك كيما نتاع برا) ،تشوفي بلي مقاديرها مثل نتاع الخبز العادي ولكن الفرق في مدة راحة العجينة
ساهلة: كي تكوني تحوسي ديري بيتزا في الفطور ،وجدي العجينة في الليل ،وكي تكوني تحوسي ديريها في العشا وحدي العجينة من الصباح
وكي ترتاح تشدي العجينة لازم تخدميها بالاصابع و لازم تمركي آثار صباعك فيها ورايحا تفتحيها بالدبزة نتاع يدك هههه وتجيك ساهلة تتفتح وحدها بارسكو ريحت مليح ( جامي ويلا تفتحي عجينة البيتزا بالمدلك او الرولو ،هذا احد أسرار نجاحها)
ولازم ترققي الخبزة بارسكو من بعد رايحا يزيد السمك نتاعها في الفرن
وكي تكوني ترققي فيها ديري بالاصابع جهة الحواشي تولي تخدمي في العجينة وفي نفس الوقت تتراسي في الجوانب
ماشي شرط تجيك دائرة مسڨمة ،الشارم كي تجي عشوائية و رايحا تتنفخ من بعد دير بولات صغار
سر من الأسرار هو ،باش تعطيلهم البولات وتجي نفيخات ، تنجمي تعجنيها بالماء الغازي ( الفيشي) اما انا غير بالماء وتصدقلي
السر الاخر في الطياب ،لازم الفرن يكون سخون لاقصى درجة من قبل ،ولكن حنايا الفرن نتاعنا ماشي كيما نتاعهم سبيسيال ،الوغ واش ديري؟ دخلي السنيوة داخل الفرن حتى يسخن مليح ،وكي توجدي و تزوقي الخبزة نتاعك ارفديها لكاش لوحة ملسا أو سنيوة بلات وارمي الخبزة في السنيوة
داخل الفرن حتى يسخن مليح ،وكي توجدي و تزوقي الخبزة نتاعك ارفديها لكاش لوحة ملسا أو سنيوة بلات وارمي الخبزة في السنيوة لي تكون ديجا سخونة داخل الفرن
رايحا طيبلك الماكسيمون 12د
لي عندهم الفرن يشعل غير من التحت ،نورمال طيبيها من التحت ومن بعد طلعيها الفوق باش يتحمرو الحواشي
صلصة الطماطم : فيها لابوري نتاع الطماطم ( طماطم مرحية + ملعقة زيت + ملح و زعتر ) تخليهم على نار متوسطة حتى تعقاد او ديري حبات طماطم مع ملعقة زيت وحبة بصل وملح وزعتر و كي تشوفيهم طابو ارحيهم
الملح ماتنساوش
