الدرس 24 : زلابية البانان او زلابية طويلة

كاين وصفات عديدة لهذا النوع من الزلابية ،رايح نعطيكم الوصفة المعتمدة عندي

الوصفة :  

هاذي تتحصلو على زلابية مقرمشة من خارج ومعسلة من داخل و بدون بيض

المقادير :

• 500 غ فرينة
• 2 مغارف سميد رطب – رقيق –
• م ك سكر
• ربع ملعقة ملح
• زعفران
• قرفة
• لافاني
• 150 ملل زيت
• 650 ملل ماء

طريقة التحضير :

اولا نحطو الفرينة مع السميد و الملح و السكر و المنسمات – لافاني-زعفران +قرفة – ثم نضيفو الزيت ونبسوهم –نخلطوهم جيدا،
من جهة نحطو الماء يغلي مجرد يبدا يعمل فقاعات نحطو الخليط في الماء ونبقاو نحركو بمجرد يرجع ثقيل نسحبوه ونبقاو نحركو جيدا حتى نتخلصو من كل الحبيبات و الكتل يعني ترجع عجين رطبة
مباشرة وهي سخونة استعملو الكيس الحلواني و شكلوها في صينية وخليوها تنشف لمدة نصف حتى ساعة من بعد اقليوها في زيت غزير سخون على نار متوسطة ،مباشرة تخرجوها من زيت تحطوها في العسل والف صحة وهنا .