العجينة المورقة بكل الخطوات

مقادير العجينة :

• 1كغ فرينة
• 500 غ زبدة توريق صالحة انا نخدم بيها
• 2+ 4 مغارف خل أبيض
• كاس غير ربع زيت (10 مغارف)
• مغرف ملح
• مغرف سكر وماء بارد..

طريقة التحضير :

1. – في وعاء نضع الفرينة ، الملح ، السكر ، الزيت ونخلط.
   نلم الخليط بالماء حتى نتحصل على عجينة طرية ، نعجنها قليلا ثم نغطيها بمنشفة نظيفة ونتركها ترتاح ربع ساعة.
2. – نحل العجينة إما بالفرينة أو بالمايزينة رقيقة شوي وبشكل مستطيل.
3. – نضع مرغرين التوريق مبشورة فوق العجينة.
4. – نرولي العجين مثل رولي.. مع الضغط علا الزبدة نتحصل علا رولي نضغط عليه قليلا باليد
5. -نحل العجين بالطول.
6. -نطويها علا 2 ثم 3.
7. -نعاود نحلها من جديد ونطوي 2ثم 3.
8. -نكرر العملية للمرة الثالثة .نحل العجين ونطوي 2ثم 3.
9. – نضع العجينة في الكيس الغذائي وندخلها إلى الثلاجة لمدة نصف ساعة.
10. -تكرر العملية 4 مرات أو أكثر من أجل الحصول على عجينة مورقة.

أسرار العجينة المورقة
1- لازم تكون العجينة طرية مش يابسة .
2- كي تقطعي الأشكال أثناء الاستعمال مالازمش تكون رقيقة ..
3- صفار البيض متخليهش يسح من الاطراف باش مايمنعهاش من الانتفاخ.
4- أهم سر لازم تدخليها لفريجيدار ساعة كاملة قبل ماتطيبيها.
5- لازم الفور ساخن بزاااف.
6- مذابيك ترشي صينية الفرن بقطرات الماء في الجوانب يساعدها البخار علا طياب .
7- غير دخلي حبيبتي العجينة للفور وتشوفيها بدات تتورق يعني بعد 10 دقائق نقصي شوي للفور باش تطيب من داخل في غرضها
بالمعنى الواضح :
السر نتاعها في : ماتتعجنش كي تبليها اجمعي العجين فقط وخليها تريح وابداي التوريق ، لازم العجين ترتاح جيدا بين كل مرة تورقيها فيها ، لازم ماتلصقش ديما رشي فرينة لانها اذا تقطعت تخرجلك الزبدة وماتنتفخش ، لازم الفور يكون سخون على أقصى درجة وكي تشكيلها خليها تريح قبل الطياب وكي دخليها نقصي حتى 220 كي تنتفخ مليح نقصي حتى 140 وخليها طيب مليح من داخل هذو هوما اسرارها…