طريقة تخضير القطايف، الكنافة واسرارها
المقادير :
1. عجينة القطايف :
- 2 كأس دقيق ابيض (فرينة)
- كاس مايزينة (نشاء)
- ملعقة كبيره حليب بودرة
- رشة ( القليل ) ملح
- نصف ملعقه كبيره سكر
- 2 ملعقه زيت
طريقة التحضير :
نضيف بالتدريج الماء تقريبا كاس الى كاسين ونصف
العجينه تكون شبه سائله، مثل عجينة الكريب، ثم نضعها في كيس حلواني مثقوب ثقب جد صغير، ونسخن المقلاه على نار هادئه نصب العجينه بشكل حلزوني
بحيث الحلقات غير متقاطعه… ثم نتركها حتى تجف وننزعها بلطف، بإتجاه واحد
نكرر العمليه حتى تنتهي العجينه شاهدو الصور في الاسفل
القطايف الجاهزة :
نشتريها من المحلات، ثم نحلها في صحن عميق، ونرشها بلى دام( سمن وزبدة ذايبين وباردين)
المبدا الاساسي في القطايف هي كل 500 غ تقريبا تتشرب ثلثها لي دام يعني 170غ
انا شخصيا نخلط نفس الكمية (سمن وزبدة).
حذاري من الزيت في القطايف، لأنها تجي يابسة، ومتتشربش العسل في ما بعد.
إذا كنت رح نستعملها ديكور فقط، نقصها بالمقص وأثناء تحميها نقدر نرشها بسكر ناعم.
الحشوه دائما : 3 كيلات لوز، كاوكاو، مكسرات… مع كيلة سكر، فانيليا، زاست(مبشور قشور ليمون)، ماء زهر، مثل حشوة البقلاوة
دائما حشوة القطايف منشمخهاش بزاف بماء الزهر، حتى تقعد واقفة بعد ماتطيب وتتعسل
حذاري تستعملي عسل خفيف لأنه، بعد 24 ساعة رح ترجع مشمخة، وبعد مدة تغمل ودير رائحة
مختلف الحشو:
لوز، كاوكاو، نواة كوكو معجونة بالحليب المحلى، فواكه مجففة، كرام باتيسيار، قشدة(كرام فراش، سكر، جبن الريجيم) ، كريمة الحليب (حليب، ياؤورت طبيعي)
التشكيل :
تختلف أشكالها حسب الرغبة، هناك أشكال مشروحة في الصور.. تحياتي للجميع شاف لبنى
أهم الملاحظات هي عند التشكيل نحاول نضغط بيدي مليح حتى تدي الكنافة شكل المول جيدا، ونعطيلها وقتها تتشرب لي دام وتتشرب العسل
