كعيكعات الطلية
الوصفة من اعداد @cuisine_fati_dz
المقادير :
3 كيلات فرينة
كيلة زبدة ذايبة وباردة
ملح
ماء الزهر
الحشو
3 كيلات كاوكاو محمص مطحون
كيلة ناقصة إصبع سكر
مبشور ليمون
ملعقة ك زبدة
ماء الزهر
الطلية
كاس شاي زيت
كاس شاي حليب
كاس شاي ماء الزهر
فانيليا
التزيين ملمع غذائي ،ورق الذهب
طريقة التحضير :
في ايناء نخلط الفرينة والزبدة مع قرصة الملح والفانيلا نبسس جيدا المكونات ثم نجمع بماء الزهر حتى نتحصل على عجينة طرية نغطيها ببلاستيك ونتركها ترتاح على الأقل ساعتين .
نحضر الحشو نخلط الكاوكاو والسكر وملعقة الزبدة مبشور الليمون ونجمع بماء الزهر لازم نغطيه ونتركه يرتاح ساعة او أكثر حتى يتعسل.ثم نقسمه الى كريات صغيرة وزن 20غ
بعدها نقسم العجينة الى كريات صغيرة وزن 40غ ونفتح كل كرة الى حربوش ونفتحو بالحلال رقيق نضع الحشو في الوسط ونلفو حربوش ونغلقو على شكل كعيكة نخليوهم يرتاحو من الاحسن مدة ليلة كاملة ثم ندخلهم فرن مسخن على د 180 حتى يحمارو من الأسفل نشعل الفرن من الاعلى حتى تأخذ لون ذهبي .
الطلية نخلط الحليب الزيت وماء الزهر ملعقة الفانيليا ثم نضيف السكر تدريجيا حتى نتحصل على خليط ثقيل ثم ضفت الملون الأبيض اما الملون الوردي ذوبتو في القليل من ماء الزهر وضفتو تدريجيا حتى تحصلت على اللون .
نطلي الكعيكعات ونتركها تنشف جيدا زيتنها بالملمع الغذائي وورق الذهب
