دروس

الدرس الرابع عشر 14 : طريقة عمل طمينة السميد

السلام عليكم حبيباتي ،ان شاء الله تكونو بالف خير ،ما تتحيروشوش راني نطول باش نحط الدروس لكن نعطيك من قلبي كل تفاصيل باش تنجحو في حلوياتكم ،انشرو الصفحة وانقلو واش حبيتو من الدروس خليو الاخوات يتعلمو تفيدو بيوتكم والي تحب تسترزق ،اليوم رايحة نقدملكم درس حول الطمينة تاع السميد بطلب من الاخوات

 المقدير :

  •  كيلة عسيلة
  • – كيلة زبدة او مرغرين – من الافضل ديرو ستار لانها
  • مستحضر فيه بنة الزبدة ، هنا على بالنا زبدة غالية حاولو ديرو نص بنص
  • كيلة مكسرات محمصين ومرحيين رقيق
  •  سميد متوسط حمصوه في الكوشة على نار هادئة او في مقلى بشرط لازم تحركوه مليح لازم يكون كامل في لون ذهبي باش تجيكم بهية.  .

طريقة التحضير :

– نسخنو العسيلة و نديرو فيها زوج كيس شاي ليبتون ،هنا ديرو الشاي ينقصلنا الجلاوة باش ما تجيناش تقهم
– العسيلة ما تخليوهاش تغليلكم لانو من اسباب الي تخلي طمينة تجي يابسة او معلكة هو العسل كي يغلي رايح يزيد يعقد كثر .
– الي تقدر تزيد العسل الحر يعطيها ذوق رائع حسب المقدور
– نضيفو كيلة الزبدة الذائبة نسخنوهم مليح غير يبداو يغليو تنحيهم تضيفولهم 2 كيلات سميد محمص لكن تبقى عينك ميزانك وحركوها جيدا خطراش كان ما تخلطوهاش مليح من بعد كي تحطوها في الصحون يطلعلكم ليدام من فوق ،وديرو الخليط شوي جاري باش من بعد تشرب تجيكم قدقد
– كاين الي يحب يحطلها حلوة الترك انا نقولكم حلاوتها تكفيها وتبقى طبعا مسألة اذواق .
– تزينوها على طريقتكم سواء بالقرفة او المكسرات ،
– في حالة غفلتي على العسيلة وخليتها عقدت زيديلها قليل من الماء الساخن .
– قبل ما تقدموها عاودو سخنوا الفرن وطفيوه وحطوها تدفى شوي ،او تسخنوها في ميكرووند
– بصحتكم واي سؤال انا في الخدمة

360 degrés

360 degrés vous propose plusieurs recettes variées , faciles à réaliser et bien entendu succulentes .
زر الذهاب إلى الأعلى