دروسحلويات

الدرس السادس عشر : بتي فور petit four بطريقة مضبوطة وناجحة

تصلنا العديد من الطلبات حول الحلويات الجافة ،ستكون هناك دروس متنوعة بين الحلويات الجافة و التقليدية و العصرية اضافة للمرطبات و المثلجات ان شاء الله
الكثير يشتكون من بتي فور Le petit four اما  يخرجلهمش الشكل ،او يجيهم ثقيل راح نعطيكم ابسط طريقة و يخرجلكم ناجح باذن الله و خفيف

المقادير :

125 غ مرغرين بحرارة الغرفة
125 غ سكر ناعم
كاس زيت
كاس نشاء
2 حبات بيض كاملين + واحد صفار بيضة
لافاني( فانيليا )  +كيس ونصف خميرة
حوالي 700 غ فرينة

طريقة التحضير :

اولا نحتاجو 125 غ مرغرين بحرارة الغرفة نخلطها بالمضرب كهربائي مع 125 غ سكر ناعم ،لافاني لازم تخلطوهم جيدا حتى تتحصلو على كريمة بيضاء ،

ثانيا تضيفو كاس زيت لكن تضيفوه تدريجيا وتخلطو جيدا لازم دايما تتحصلو على خليط كريمي

ثالثا تضيفو البيض ونكملو نخلطو جيدا

رابعا تضيف كأس نشاء ودائما نبقاو نخلطو بالمضرب الكهربائي
وهذا هو السر لازم تتحصلو على خليط كريمي

نضيفو الفرينة المنخولة مع الخميرة ونضيفو بالشوي حتى تتحصلو على عجينة طرية و تحسوا انها خفيفة بزاف .

اذا حبيتو تستعملوها بالكيس الحلواني لازم تكون طرية نوعا ما

اذا ماش متوفر كيس الحلواني زيدولها شوي فقط فرينة و استعملو المحقن او اللمبوط

كي تكونو تشكلو في الحبات دايما اللمبوط يكون في الصينية تاع الفرن يعني ما تهزوش يدكم للفوق

طيبوه على درجة حرارة 180 درجة مئوية في فرن مسخن مسبقا،من بعد دخلوه يطيب ياخذ اللون الذهبي ،لصقو كل زوج بالناباج او المربى و زينوه بالشكولا

تقدرو ديروه شكل صخور des roches ترشوه بالسكر الناعم و تزينوه بخطوط الشكولا

زر الذهاب إلى الأعلى