دروس

الدرس العاشر : طمينة بالمكسرات بالتفصيل

الدرس العاشر : الطمينة

اليوم رايحة نقدملكم درس حول الطمينة
على بالكم كاين بزاف من انواع الطمينة كاينة طمينة الشرق الي هي طمينة اللوز و طمينة الزقوقو و الزرير ،،و كاين طمينة السميد
اليوم ان شاء الله نديرو طمينة البسيسة :

المقادير :

  •  كيلة عسيلة
  •  كيلة زبدة او مرغرين ومن الاحسن ستار
  •  كيلة مكسرات محمصين ومرحيين رقيق
  •  بسيسة

طريقة التحضير :

اولا البسيسة هي خليط بين قمح و شعير و حمص و عدس محمصيين ومرحيين غبرة


نسخنو العسيلة و نديرو فيها زوج كيس شاي ليبتون ،هنا دو الشاي ينقصلنا الجلاوة باش ما تجيناش تقهم
حطو البسيسة نتاعكم في مقلى و حمصوها شوية برك باش تطلق البنة نتاعها.


العسيلة ما تخليوهاش تغليلكم لانو من اسباب الي تخلي طمينة تجي يابسة او معلكة هو العسل كي يغلي رايح يزيد يعقد كثر .
الي تقدر تزيد العسل الحر يعطيها ذوق رائع حسب المقدور
نضيفة كيلة الزبدة الذائبة نسخنوهم مليح غير يبداو يغليو تنحيهم تضيفولهم كيلة مكسرات و تكملو بالبسيسة حتى تتحصلو على خليط سائل نوعا ما ،ما لازمش ديروه عاقد خطراش من بعد تيبسلكم
تزينوها على طريقتكم


في حالة غفلتي على العسيلة وخليتها عقدت زيديلها قليل من الماء الساخن .
المكسرات نتوما و مقدوركم وتقدرو ديروها غير بالكوكاو و تجيكم روعة
بالنسبة لناس الشرق البسيسة متوفرة ،اما ناس العاصمة راهي موجودة في قلاكسي عين النعجة ،برومي اودان، تلقاوها قمح فقط سعرها 120 دج تشريولها الحمص غبرة الي طيبو بيها كرانتيكا ،تحمصوها شوي وتضيفوها .
نتمنالكم شهية طيبة والى درس اخر
اي سؤال انا في الخدمة

360 degrés

360 degrés vous propose plusieurs recettes variées , faciles à réaliser et bien entendu succulentes .
زر الذهاب إلى الأعلى