دروس

الدرس 21 : طريقة عمل عجينة السكر بالمارشملو

طريقة عمل عجينة السكر بالمارشملو خطوة خطوة فى المنزل

هاذي هي العجينة المعتمدة عندي ونفضلها في جميعا الحلويات

المقادير :

140 غ مارشملو
450 غ سكر ناعم نوعية جيدة
2 ملاعق ماء في حدود 40 غ ماء

طريقة التحضير :

– اولا نحطو الماء و المارشملو في كسرونة ونحطوها فوق نار هادئة باش نذوبوها مع التحريك ،ما لازمش تغفلو عليها ،حتى ترجع سائلة كيما الصورة رقم 1،لازم ما يبقاش حتى كتلة لداخل
– تبداو تفرغو السكر الناعم تدريجيا حتى تكملوه كامل من بعد تحطو الخليط فوق سطح العمل كيما صورة رقم 2 وتبداو تدخلو السكر في العجين تدريجيا وكل مرة تدهنو يديكم بالزيت باش ما تلصقش في يديكم ،تخدموها وهي سخونة حتى تجمعو كامل السكر تتحصلو على عجينة طرية دخلوها الثلاجة تبرد ،وتتصبح العجين صالحة للاستعمال .
العجينة نتاعكم غلفوها جيدا بورق الطبخ الشفاف ما تخليوش يدخلها الهواء و احتافظوا بيها سواء في الثلاجة او خارج الثلاجة هاذي العجينة تشدلكم مدة طويلة ما تفسدش.


ملاحظات عامة حول عجينة السكر
– احيانا تخدمو عجينة السكر في الاول تبانلكم مليحة بصح كي تخبيوها وتجيو تخدمو بيها هاذا يعني راكم غلطتم في المقادير يعني خدمتي العجينة نتاعك من بعد اضفتي سكر زيادة على المطلوب وهذا غلط .و الحل نتاعها في هاذي الحالة انكم تزيدولها نصف ملعقة غلوكوز وتعجنوها جيدا اذا لقيتوها مليحة خلاص اذا كانت مزالت مفتة اضيفي لكن بالقليل نتاع الغلوكوز حتى تتصححلك العجينة .
اي سؤال انا في الخدمة

360 degrés

360 degrés vous propose plusieurs recettes variées , faciles à réaliser et bien entendu succulentes .
زر الذهاب إلى الأعلى