دروس

الدرس 26 : زلابية البانان او زلابية طويلة بطعم القريوش

المقادير :

– 750 غ فرينة
– 700 ملل ماء
– 150 غ مازهر
– ملعقة صغيرة ملح
– 80 غ عسل – ما يعادل 4 ملاعق كبار او يمكن تعويضه ب 80 غ سكر عادي
– قرفة
-ملعقة صغيرة حبة حلاوة مرحية
– 80 غ جلجلان مرحي غبرة
– 80غ زيت

طريقة التحضير :

– نخلطو كل المكونات الماء و الزيت و الملح و المنسمات – قرفة و حبة حلاوة – ماء زهر نحطوهم على نار يغليو
من جهة نخلطو الفرينة مع الجلجلان ،بمجرد يغلي الماء نحطو فيه خليط الفرينة و الجلجلان ونخلطو بسرعة و نحاولو نتخلصو من كل الكتل و الحبيبات ،اي نتحصلو على عجين رطب .لازم العجين يكون طري ما تخليوهش ينشف بزاف باش تقدرو تخرجوه من الكيس الحلواني
– نحطو العجين في الكيس الحلواني ونحطوه فوق ورق الزبدة او صينية ونخليوه ينشف مدة نصف ساعة حتى ساعة باش كي تجيو تهزوها تكون محافظة على شكلها
– اقليوها في زيت غزير سخون على نار متوسطة باش ما تتحرقلكمش من برا وتطيب مليح من داخل
– مباشرة تخرجوها من الزيت تحطوها في العسل ،ونزينوها بالجلجلان

زر الذهاب إلى الأعلى