حلويات

انواع الكريمات الأساسية التي تستعمل لحشو و تزيين الحلويات و الكيك

انواع الكريمات الأساسية التي تستعمل لحشو و تزيين الحلويات و الكيك

1 كريم باتسير Crème pâtissière

المقادير :

500غ حليب 500g lait

50غ بودرة الكريم باتسير 50g poudre crème pâtissière
120غ سكر 120g s.s

4 اصفر بيض jaune d’œufs 4

نكهة الفاني arôme vanille

الطريقة :

-الحليب في كاسرولة مع نصف كمية السكر فوق النار حتى يغلى
– في انية ندير اصفر البيض +نصف الاخر سنيدة + بودرة كريم باتسير و نحرك بالفوي مزيان .
– ناخد الحليب لي سخناه و نصبه فوق الخليط و نحرك بسرعة و نرد كلشي فوق النار و بالمناسبة هادي هي المرحلة التي يطلق عليها اسم كريمة انجليزية يعني هي ليست كريمة بل هي مرحلة لي تنديرو الحليب فوق الخليط ديال البيض تنسموها كريمة امهليزية هادا توضيح للاخوات لي مافاهمينهاش . المهم كنرد الكاسرولة فوق النار و تنحرك بالفوي حتى يعقاد نزولوه من االنار و نضيف الاروم فاني و نخدم بيها .🍮🍇🍓🥝🥝

2 كريم موسلين crème mousseline

كريم باتسير + زبدة
قادو الكريم الباتسير بنفس الطريقةو في الاخير نضيف 200غ زبدة و نحرك بالفوي مزيان .

3 كريم شانتي crème chantilly

100 غ بودر
100 غ حليب بارد
كلشي مع بعض

4 كريم ديبلومات crème diplomate

كريم باتسير (نفس العبار لي دكرت)👆👆 p.c.p
40غ زبدة. Beurre

300غ قشدة طرية 300g crème fraîche

3 ورقات جيلاتين feuille de gélatine

الطريقة
-نديرو اوراق الجيلاتين في الماء
– نقادو الكريم باتسير بنفس الطريقة و نضيفو ليها 40غ زبدة في الاخير ثم الجيلاتين و نحرك نغطيها بالبلاستيك الغدائي و نتركها تبرد.
-ناخد 300غ الكريم فريش نمونطيها
– بعدما تبرد لكريم باتسير نضيف ليها الكريم شونتي و عنداكم تكون سخونة الكريم باتسير الا كانت سخونة غادي دوب لينا الكريم شانتي المهم نضيفوها و نحرك بماغيز و ندور بشكل دائري و صافي ها هي جاهزة و نستعملوها .

5 كريم اللوز crème d’amande

100ل بودرة اللوز 100g poudre d’amande
100غ زبدة 100g beurre
100غ سكر كلاصي 100g sucre glace
2 بيضات œufs
20غ نشا 20g fécule de mais

الطريقة
نخلط الزبدة بحرارة المطبخ + السكر و نحرك جيدا بالفوي و نضيف البيض مع استمرار التحريك و اهيرا بودرة اللوز و النشا و نحرك مزيان و نستعملوه☕☕🍪🍪

6 كريم فرونجي بان crème frangipane

كريمة اللوز نفس عبار لي عطيت من قبل و نخدموها بنفس الطريقة +100غ كريم باتسير نخلطهم مع بعض و نخدمو بيه .
كريم شيبوست. Crème chiboust
هو عبارة على كريمة باتسير نفس الطريقة لي عطيتكم 👆👆و نضيف ليها كمية من المورانك نخلط جيدا و تستعمل و اشهر استعمالاتها هي saint- honoré 🎂🎂🎂.

كريمة الزبدة crème au beurre


و هي تحضر بعدة طرق مختلفة أمثلة
crème au beurre meringue italienne
Crème au beurre meringue suisse
Crème au beurre a l’américaine
Crème au beurre a l’anglais
Crème au beurre appareil a bombe

و اليوم غادي نعطي واحدة منها .و هي كريمة الزبدة بالمورانك السويسري
crème au beurre au meringue suisse

-4 ابيض بيض
-130غ سكر
-230غ زبدة بحرارة المطبخ

الطريقة
-نديرو الماء في كاسرولة و نضعها فوق النار و نديرو ابيض البيض في كالوت + السكر و نوضعهم فوق الكاسرولة طريقة بان ماري و نحرك بالفوي حتى يدوب لينا السكر و توصل 60درجة نزولوه من فوق النار و ناخد طراب كهربائي و نطرب بيه حتى يطلع المورانك و يبرد جيدا جيدا عاد نضيفو ليه الزبدة بوماد شوية بشوية مع التطريب و عنداكم تكون مورانك باقيا سخونة راه دوب ليكم الزبدة صافي و ممكن نضيفو ملونات اللا بغينا و نخدمو بيه 🧁🧁🤩

كريمة الحامض crème citron

-عصير الحامض 3 حبات
– زيست 2 حامضات
-150غ سنيدة
-150غ زبدة رطبة
– 2 بيضات كاملين+ 1 اصفر بيض
-2 اوراق جيلاتين
الطريقة
-نديرو الجيلاتين في الماء
-في كاسرولة نديرو عصير الحامض مع السكر والبيض ونخلطه جيدا ثم نضعه فوق النار مع الخلط حتى يعقد نحيدوه ونضيف الجيلاتين ثم نصفيه ونتركه حتى يبرد
ثم نضيف له الزبذة شيئا فشيئا مع التضراب حتى نحصل على كريمة الحامض و نضيف اروم الحامض لي كتعطي النكهة و اللون باش تعطينا لون اصفر للكريم و نخدمو بيه

ملحوظة :كريمة الحامض ممكن نعمله بالبرتقال بنفس الطريقة فقط نعوض الحامض بالبرتقال و نكهة الحامض بنكهة البرتقال و ايضا نضيف ليها قليل من ملون برتقالي باس تعطي لون البرتقال

نتمنى يكون كلشي مفهوم و ساهل الى مافهمتوش شىئ حاجة انا تحت امركم

زر الذهاب إلى الأعلى