حلويات

حلوة المشكلة بكل اسرارها خطوة بخطوة

حلوة المشكلة بكل اسرارها خطوة بخطوة

الوصفة من اعداد الشاف لبنى

 الوصفة 1 :   

المقادير :

العجينة:
– 3 كيلات فرينة.(كيلة= 250غ).
-كيلة نشاء(مايزينة).
– كيلة إلاَّ رُبع زبدة مذابة وباردة.
– ملعقة صغيرة فانيليا.
– ملعقة كبيرة ملون غذائي ابيض.
– ماء يخلط مع ماء الزهر (الكمية حسب الخليط).
– نشا لفرد العجين.

الحشو :     

– 2 كيلة لوز (اي نوع مكسرات)مطحون ناعم.
– كيلة جوز الهند ناعم.
– البيض الكمية حسب الخليط نلم بيه.
– ملعقة فانيليا.
– مبشور ليمون.
– كيلة سكر.

التزيين :    

– بياض البيض.
– مكسرات حسب الرغبة.
– عسل.

طريقة تحضيرها :

-تخلط الفرينة مع النشاء والفانيليا تضاف الزبدة المذابة, ثم يخلط ويفرك جيدا براحة اليدين
– يضاف الماء وماء الزهر بالتدريج مع الخلط, حتى الحصول على عجينة متماسكة وليست بطرية, تعجن جيدا حتى تصبح ناعمة تغطى بكيس نايلون, وتترك لترتاح مدة 2 – 3 ساعات.
– من جهة أخرى يحضر الحشو, يخلط اللوز مع جوز الهند والسكر والفانيليا ويضاف البيض بالتدريج مع الخلط, حتى الحصول على عجينة ملساء لا تلتصق باليدين. يغلف ويترك ساعات (لتتماسك أكثر ولا تذوب في الفرن)
– تفرد العجينة بعد رشها بالنشا, وتمرر في آلة التوريق حتى تصبح بسمك 1 ملمتر
– ويفرد الحشو بسمك متوسط حوالي 1سم يوضع فوق العجينة, ويدهن سطحه بمسحة خفيفة من بياض البيض. وتغطى بالعجينة بعد فردها
وتقطع دوائر وتنقش بالنقاش مباشرة بعد القطع, حتى لا تجف العجينة ويصعب نقشها
– وتلصق وسطها مكسرات ببياض البيض.
– ثم نضعها في صينية الفرن وتطهى في فرن مسخن من قبل 150 درجة, لفترة وجيزة حوالي 15 دقيقة يجب أن تبقى بيضاء حتى تكون الحلوى طرية.
– وفور اخراجها من الفرن تعسل في العسل وتستقطر
شهية طيبة😋😍

الوصفة 2 :

العجينة:

3 كيلات فرينة + نص كيلة مرغرين توريق ذايبة و باردة +لافاني، ماء و ماء زهر، ملون غذائي ابيض، بيضة ،

الحشو : لوز مرحي + سكر + مبشور قارص + بيض

– لاجولي.شربات . عسل

العمل :

– العجينة نديرو ثلاث كيلات فرينة و نزيدولها نص كيلة مرغرين التوريق – هنا نستعملو مرغرين التوريق ماشي سمن باش هاذيك الحبة نتاع المشكلة تبقى واقفة ما تتكمش ،بسوها مليح بيديكم دخلو مرغرين في فرينة و زيديولها لافاني من بعد اجمعوها بالماء وماء زهر و خليوها تريح على الاقل ساعتين .كل ما ريحت كل ما تعطيكم نتيجة مليحة

– الحشو : ديرو دايما كمية تاع اللوز نصها سكر ،يعني مثلا 400 غ لوز ديرولها 200 غ سكر عادي ،قشور القارص كثرو شوي باش يغطيو على ريحة البيض و ديرو لكل 100 غ لوز مغرفة مرغرين ،يعني هنا نديرو 4 مغارف كبار مرغرين
* نخلطو بيضة كاملة مع صفار نبداو نشمخوالحشو بالشوي لازم تعجنوها مليح تحسو السكر تخلط مع اللوز .و من الاحسن تخدموها ليلة قبل باش تشربلكم و تجيكم معسلة .
هذا هو سرها

دايما نقولكم اللوز اعجنوه بدبزتكم ما تعجنوهش بالاصابع خطراش بالاصابع يخرجلكم الزيت نتاعو

⚠️ – ملاحظة ضرورية: 1 كلغ لوز يخرجلكم 80-85 حبة   من المشكلة بارتفاع 1سم. ⚠️

– حلي الحشوة علا ساشي حطيهم جانبا و دايما يكون مغطي ما تخليوهش للهوا ينشفلكم

العجينة تاعكم جامي تحلوها بيديكم احلوها في المشينة عقبو العجين نتاعكم في رقم 1 ربعة ولا خمس مرات باش هاذيك حبيبات نتاع مرغرين تروح وتولي عجينة رطبة.
– اذا مشينتكم فيها رقم 9 حلو عجينتكم في رقم 1 من بعد رقم 4 و 7 .
– اذا مشينة نتاع رقم 7 ديرو 1 و 3 و 5 يعني تنقصو زوج ارقام قبل الأخر

– رشي المايزينة في طابلة الي تخدمي بيها باش العجينة ما تلصقلكمش و ما تعاودش تتكمش كي تقطعوها،ندهنها بياض بيض مسحة خفيفة، نحط الحشو وكذلك نمسح مسحة خفيفة ونحط العجينة مرة أخرى. نحاول نعقب عليها رولو خفيف باش تلصق

– استعملو اومبروت بياس رقم 8 ما تكثروش مايزينة بزاف باش العجينة الي تقعدلكم ما تيبسلكمش ، يعني قالب دائري بقطر 8 سم، أو أي مول عندكم حابينو

كي تكملو ادهنو الحشو من الجوانب بلاجولي باش يعطيها لمعان و يحمرهالكم مليح.

-.اذا حبيتو تستعملو نص حبة لوز ،احكمو اللوز نتاعكم شمخوه زوج سوايع في الماء تلقاو الحبة تولي تتقسم وحدها على زوج ،حطو نص حبة اللوز فوق المشكلة بلا ما تضغطو عليها

– من الاحسن كي تخدمو المشكلة خليوهم يباتو و غدوة من ذات طيبوهم باش ما يتحلوش، ويتشققوا

– نحطوهم في سينية مرشوشة مليح بالفرينة و ندخلوهم فرن مسخن ربع ساعة من قبل على درجة 160 ،كي يحمارو الحواف نحيوها ننفضوها من تحت من الفرينة من بعد نثقبوها و هي سخونة نحطوها في شاربات باش تجيكم طرية و بنينة و من بعد نحطوها في العسل اعطيوها حقها في العسل باش تبقالكم طرية ما تنشفلكمش

– ما تعسلوهاش بالعسل وحدو لانو العسل يعطيكم الذوق و اللمعان فقط ما يعسلهالكمش لداخل

– ضروري استعمال سكر عادي مش سكر ناعم، لأن الأخير فيه مايزينة وتيبس الحشوة

– الي ما عندهاش اللوز تقدر تخدمها بالكوكاو الي حولناه لذوق اللوز فقط زيدولو نوادكوك باش تجيكم خفيفة

– استعملي لكل 1 كلغ كوكاو نحي منو 200 غ و عوضيها ب 200 غ نوادكوكو هكذا تجيكم خفيفة كيما نتاع اللوز و نوادكو يشرب العسل تجيكم معسلة مليح لداخل

– ايضا الي تحب تتعلمهم من الاحسن تبدا في الكوكاو اولا كي تمشي ايدك فيها ديريهم باللوز

-قبل التقديم تقدري تديري مسحة خفيفة بلاجولي.
– تقدري تلفوني العجينة بأي ملون غذائي نتي تحبيه، اجنبي لابات اغوم لأنها تأثر على العجينة وتيبس في الفرن

– التزين يرجع ليكم و لابداعاتكم و هنا حطيتلكم بعض الصور تستافدو منهم ،لكن دايما الصح في الذوق كي تعرفو ديروهم معسلين لداخل و بنان هذاك هو الصح

360 degrés

360 degrés vous propose plusieurs recettes variées , faciles à réaliser et bien entendu succulentes .

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى