دروس

الدرس 19 : طريقة اختيار المرغرين التوريق ونوع الجيد للفرينة

السلام عليكم ورحمة لله و بركاته،بزاف اخوات يسقسيوني ويناها الفرينة المليحة وويناها المرغرين المليحة للتوريق..الخ هنا رايحة نعطيكم بعض التوضيحات الي تعاونكم في اختيار الدوازن تاع القاطو نتاعكم

الفرينة :

هي الاساس في الحلويات نتاعكم وعندها تاثير كبير على نجاح الحلوى نتاعكم ،عندكم 4 امور تخيرو بيهم فرينة تاعكم :
اولا لازم تكون رطبة كي تمسوها بصباعكم يكون ملمس نتاعها ناعم ،كل ماكانت فرينة ناعمة فهي من النوع الجيد
ثانيا الفرينة الي تشرب الماء اكثر هي احسن نوعية
ثالثا اللون الابيض اختارو الي تكون ناصعة البياض
رابعا انك كي تهزي كمشة في يدك وتضغطي عليها تبقى بشكل متجمع ما تتفتتش هاذيك نوعية الجيدة و النوعية الي ماش مليحة ما تتجمعش غير تحلي ايدك تلقايها تفتت

مرغرين التوريق :    

احسن مرغرين التوريق هي الي تلقايها يابسة خارج الثلاجة، يعني اذا لقيتي 4 او 5 انواع يتباعو حطي صبعك عليهم كامل الي لقيتها هي اكتر وحدة فيهم يابسة هاديك هي المليحة

زر الذهاب إلى الأعلى