حلويات

طريقة تحضير كل انواع الكروكي بطريقة سهلة

السلام عليكم ورحمة الله تعالى وبركاته ، نتمنى تكونو كامل بخير وعافية ، حبيايبي درسنا ليوم سهل وممتع ومن ضروريات البيت الجزائري خاصة الكروكي، حنا عدنا زعما كي تكوني مش قادرة تضربيلك كروكي بصح مش تخدموهلي صامط لتر حليب وياربي لاذابت الحبة ، المهم انا رح نعطيلكم الوصفة الخاصة بيا انا ولي تخرجو مقرمش كيما تاع المقاهي ، يساعد خصوصا المبتدئات في المشروع تابعوني

المقادير :

12 بيضة
1 لتر زيت
700 غ سكر
1 كيلو نشاء
مبشور ليمون + عصير ليمونة
4 كيس فاني
3 كيس خميرة
فرينة

طريقة التحضير :

أولا نخفق البيض والسكر حتى يذوب مليح نضيف زيت ونخلط ونكمل باقي المكونات ، نخلي العجينة طرية ونحب نلونها بالكاكاو
قبل مانطيبو ندهنو بخليط بيض مع كاكاو ونرسم ممكن خطوط واشكال ونرش سكر ، جلجلان
او لما يطيب نطلي بشكولاطة او كونفيتير وكاوكاو وجلجلان لكم حرية الاختيار

طريقة التشكيل كاين أنواع بزاااف راهم في الصور ونفس العجينة تشكلي بيها ورود، اساور، وحتى كيما المبروشة تصلح بكل سهولة

بالنسبة للإضافات :

الكروكي كيما الصابلي بعد
– ضيفي حليب سواء سائل أو بودرة.
– ضيفي بدل السكر عسل ، أو سكر بني ، رح يجي الطعم قمة.
– ضيفي منكهات او لي غوم لي بغيتيه .
تقدري تضيفي حلقوم مفتت كاوكاو جلجلان وحتى زبيب مفور ، لكي حرية الاختيار الوصفة ثابتة وتبقى الاضافات نتي وش تختاري وتتفني في الشكل طبعا

مقالات ذات صلة

زر الذهاب إلى الأعلى