طريقة عمل القريوش و أنواعه وأسراه

القريوش وأنواعه وأسرا

نصائح مهمة :
حلي العجينة بالمايزينة ( نشاء الذرة)

متخليش العجينة معرضة للهواء تنشف وماتتنفخش اثناء القلي وتتكسر يعني تشكلي 4-5 حبات أقليهم مباشرة

الاحسن تستعملي زبدة التوريق وطبعا ذايبة وضيفي نص كأس سمن في كمية كيلو فرينة( دقيق ابيض)

خلي العجينة ترتاح اكثر من ساعتين
نضيف ملعقة صغيرة خميرة الخبز في 1 كغ فرينة رح تجي توب

الزيت يكون ساخن غير تحطي الحبات نقصي نار طول ، وصبي عليهم الزيت يتنفخو

تكسب اللون خفيف فقط العسيلة مباعد ترجع لونها ذهبي

خليها تبرد وعسليها بعسيلة دافية

متعسليهاش بعسل خفيف ردي بالك 24 ساعة ترجع كأنها مشمخة

أنا ضد فكرة لي يزيدو ملونات غذائية أو منكهات في العجينة ، كي تتقلى في الزيت رح يتبدل الطعم ، ومع مرور يومين تريح يعني تشمو ريحة القليان مع ريحة عفن قوية

طبعا نستعمل الالة في حل العجينة تسهل عليا طول العمل

بالنسبة للقراوش لي يجو فوق بعض ورولي لصقيهم ببياض البيض

الوصفة المعتمدة والتي مستحيل نستغنى عليها :

1 كغ فرينة

250 غ زبدة توريق ذايبة

نصف كاس سمن ذايب نبسس مليح الفرينة ونغربلها ، نضيف بيضة + 2 مغارف خل ابيض + فاني + ملعقة صغيرة خميرة الخبز + باكي خميرة + رشة ملح  ونعجن بالماء وماء زهر
ترتاح ونبدا العمل

في الصور أكثر من 20 نوع  شوفوهم بالمراحل  وماتنساونيش بدعوة الخير.

شاف لبنى#

زر الذهاب إلى الأعلى