حلويات

طريقة عمل المقروض بكل أنواعه وأسراره

المقروض أنواعه وأسراره مع بعض النصائح
1 مقروض الكوشة :
كيلة سمن ذايب و بارد
كيلة زيت
كيلة ماء الزهر
2كيلات فرينة
1خميرة كيميائية
ملح
فانيلا
سميد متوسط (استعملت سيم) هنا راني نلم بيه،
الحشو:
تمر
قرفة
جلجلان
سمن
قليل من ماء الزهر… ونعجن
الكيلة هنا هي كأس
الطريقة:
نحط كل المقادير مع
بعض( سمن+زيت+ماءالزهر+فرينة+ملح+فانيلا+خميرة كيميائية) من بعد نضيف السميد المتوسط حتى نتحصل على عجينة شوية طرية على خاطر كيما علابالكم السميد راح يشرب من بعد(في حالة ما العجينة نشفتلكم زيدو ماء الزهر عادي ما راح يصرالها والو)….و بلا ما نخلي العجين يريح نخدم مباشرة و نطيب و نعسل…. (طريقة التعسال راني حطيتها من قبل)..

كاين لي يجو يعسلو المقروط تتفتت الحبة او تتحرحر فالعسل نظرا لتبساس لي فيه… حبيت نوريلكم طريقتي فالتعسال… هكذا نضمن انو المقروط ديالي ما راحش يتفتت و بالتالي تجيني الخدمة ساهلة و نقية…. طريقة التعسال نفسها لي نديروها فالبقلاوة… نغطي حبات المقروط كامل و نخليه مدة مليحة من بعد نرفد الحبة و نحطها في كسكاس تقطر…
العسل لي يبقى ندفيه شوية و نصفيه و نعاود نستعملو مرة أخرى..
شوفو الصور

2 مقروض النقاش المخلط:

3 كيلات فرينة
كيلة دقيق متوسط أو رفيع ماكاش مشكل ( أنا كيلت بعلبة مرغرين 500 غ ) 3 م ك سكر ناعم 1 أو 2 م ك فانيليا و شوي ملح .أضيفي كيلة مليانة مليح مرغرين أو سمن ذايبة و ثلث الكيلة زيت .بسسي ملييح بيديك و لمي بماء الزهر .اقسميها كريات كيما نتاع الكسرة و غطيها و خليها ترتاح فالثلاجة ساعة على الأقل..
افتحي العجينة رقيقة و حطي عمود رقيق من الغرس و رولي 2 مرات و أضغطي عليها مليح كيما نديرو للمقروض العادي و سوي السطح .قطعي و أعملي خط بالسكين في وسط الحبة بالطول و أنقشي كيما تحبي،

3 مقروض المقلة / الزيت

3كيلات سميد متوسط معمرين مليح او 4كيلات ممسوحين نفس الشيء
1كيلة سمن مخلط مع شوية زبدة ذايبة و باردة وملعقة قهوة ملح، بسيهم مليح بيدك و خليه يبات ليلة كاملة
فالغد ضيفيلو 2 ملاعق كبار فرينة فاني
خلطي حبة بيض مع كيلة ماء الزهر و حليب دافيء و اجمعي العجينة بدون عجن
اقسميه إلى كور و خطيهم
الحشو استعملت العجوة التمر مع شوية جلجلان محمص قرفة ملعقة زبدة و اعجنتو بالحليب
شكلي حبات المقروط و اذا نشف العجين زيدي شمخيه بالحليب طيبيه فالزيت على المشبك لازم المقروط يتغطى بالزيت باش ميتحلش ..
كيطيب حطيه يقطر و حطيه فالعسل مخفف بالماء الزهر و خليه يتعسل ..

4)- مقروض السنيوة ( سميتو مقروض الفنيانات)

4كيلات سميد متوسط
كيلة زبدة او سمن ذايبين
1خميرة كيميائة
2بيض
شوية ملح
ماء الزهر
الحشو:
3كيلات لوز او كوكاو
كيلة سكر
قرصة قرفة
ماء الزهر
يمكن تعويض الحشو بالغرس
التحضير:
خلطي الحشو هو الاول
نخلط مقادير العجينة ونستعملها مباشرة اقسميها الى قسمين , حلي الطبقة الاولى في صينية الفرن ثم ضعي الحشو ثم الطبقة الثانية من العجينة
ثم قطعيها الى مقروضات اومتلتات متساوية ثم انقشيها بالنقاش , ثم خليها ترتاح ساعة باش تبقى محافظة على شكل النقش , ثم ضعيها في فرن مسخن من قبل على درجة حرارة 180 درجة وخليها حتى يصبح اللون ذهبي ولما تنحيها شربيها( بالعسل + شوية ماء الزهر) وخليها تبات بيه قبل التقديم نعسلها قليل فقط جربوها وما تندموش ذوقها مثل البقلاوة ولكن بالسميد

5 مقروض الفرينة ساك :
العجينة:
3 كيلات فرينة
كيلة زبدة
1 بيضة
ماء زهر
قرصة ملح

الحشو:
الغرس – جلجلان-سمن- قرفة.
للتزيين:
كوكاو ايفيلي او مرحي شوية خشين اولوز(حسب الذوق)-عسل-ماء زهر.
طريقة العمل :
نقوم بخلط الفرينة مع قرصة ملح . حبة بيض وكيلة الزبدة و نعجنهم مليح بماء الزهر ثم نقوم بعمل حربوش من الغرس و حربوش من العجينة نضع حربوش الغرس في وسط حربوش العجينة و نغلقو مليح ونخليوه يرتاح لمدة ساعة في الثلاجة .ثم نخرجو من الثلاجة و نقطعو على شكل مقروضات ونغمسو في بياض البيض وكاوكاو ايفيلي و نديرو يطيب فالفرن بعد مايطيب نخليه يبرد شوية و نغطسوه في العسل. شوفو الصور..

6 مقروض التمر بالعجينة السحرية :
المقادير : كيلة سمن طري ليس ذائب كيلة زيت كيلة ماء الزهر 2 كيلات فرينة قرصة ملح نصف باكي خميرة كيميائية و نلم بالسميد المتوسط الخاص بالمقروض.
نحتاج للتمر بعد ما تنقيه من العظم طبعا ولي تحب تفورو ، بعدين ظفيلو الزيت او السمن و ماء الزهر وطبعا تعجنيه مليح
الكيفية : نخلط السمن و الزيت و ماء الزهر مليح بملعقةثم نظيف عليها الفرينة و الخميرة و قرصة الملح و نخلط بعد ذلك نظيف السميد بشوي
انا عبرت بكاس متوسط و دخلي تقريبا 1 كلغ سميد و بالنسبة للسمن خلطت سمن و مرغرين و لكن كمية السمن اكثر ..

سر المقروط نتاع المقلة باش يجيك بنين و طري و شباب و ما يفتتش في المقلى ديري فيه كيلة سميد رطب و زوج كيلات سميد خشين و كيلة سمن و دهان ذايب حكيه مليح يدخلها ليدام و بيتيه هكدا يتشرب حتى لغدوا اخدميه..
الحشوة سواء كاوكاو ولا غرس نفس المبدأ.
ديما اعجنو بلحليب يجي هشيش أحسن وروعة..

#شاف-لبنى

 

زر الذهاب إلى الأعلى