معجنات و مخبوزات

عجينة البريزي مع نصائح و اسرار نجاحها La pâte brisée

عجينة البريزي La pâte brisée

هناك عدة أنواع منها ، بالزيت ، بالزبدة ، مالحة ، حلوة

إستعمالات العجينة المالحة : لي كيش، لي صالي  إستعمالات العجينة الحلوة :  تاغتولات Tartelettes بلي كرام ، سليلات

الوصفة من اعداد الشاف لبنى

المقادير :

1 العجينة بالزيت :    

  • 250غ فرينة
  • 6 ملاعق كبار زيت
  • بيضة
  • ورشة ملح رشة سكر ، وماء بارد مثلج

2 العجينة بالزبدة : 

  • 250 غ فرينة
  • 125 غ زبدة
  • بيضة ورشة ملح ، رشة سكر ، ماء بارد مثلج

الطريقة :

بسي الفرينة مليح ب(زيت / زبدة) ثم غربليها ضيفي البيضة وملح وسكر والماء البارد لمي برك متعجنيش نهائيا. غلفيها بسيلوفان وخبيها أكثر من ساعتين في الثلاجة ترتاح

حلي العجينة وحطي لي كيسات عليها واحكمي لك مول هبطي العجينة بيدك ، متخافيش متلصقش اي فيها لي دام، وثقبي بشوكة ثقوب وطيبيهم
أو طريقة سهلة ، في روبو عادي بعد ما تبسيي الفرينة وتغربليها حطيها في روبو وضيفي بيضة والماء البارد.. دقيقة توجد

ملاحظات وأسرار :

1- كمية لي دام( زبدة ، زيت ) نصف كمية الفرينة.

2- تحبي تعوضي الماء بالحليب تجي هشيشة تذوف في الفم

3- الماء مثلج يعني بارد من لفريجيدار بعد

4- يلزم تدخلي لي دام مليح في الفرينة وتغربليها مليح .باش متجيش فيها حبيبات.

5- ممنوع تعجني او تدلكي لمي فقط العجينة. لما تكون كميات كبيرة خلطيها في خلاط كهربائي أحسن ونستعمل. الموس لي نرحي بيه البصل ، يسهل المهمة

6- غطيها مليح وخليها ترتاح اكثر من ساعتين في الثلاجة.

7- لما تحليها حطي ساشي او غلاف بلاستيكي لا تستعملي الفرينة رح تيبس العجينة وتتشقق كي تطيب

8- انا نحل قرصة كبيرة ونحط تحتها كيسات الإينوكس ونحكم كل قالب نهبط العجينة بيدي ، ونثقبها من كل الحواف

9- مستحيل تزيدي الخميرة ، حذاري ثم حذاري

10- ألعجينة إذا كانت لإستعمال حلو ضيفي فيها فاني لاغوم لي تحبيه كاكاو وضيفي 4 مغارف سكر رطب

11- العجينة إذا كانت لإستعمال مالح ، ضيفي جبن ، توابل فلفل اسود زعتر ،نعناع ، كسبر، ثوم سواء بودرة او فراش..

12- حبيبتي تحبي تطيبيهم فارغين في كلا الحالتين مالح، حلو وبعدها تعمريهم بكريمات وماسيدوان وجبن ، تونة ،كرام باتيسيار وفواكه شكولاطة… شوفو الصور

13- حبيبتي تحبي تعمريهم وتطيبيهم مباشرة كيما الصور في لي كيش تخدمي شكشوكة فيها البيض وتعمريهم وتديري فرماج رابي .. وهكذا نخدمو لي صالي ولي تارت المالحين

14- عميراتي نتمنى نكون مانسيت حتى ملاحظة ، غير أنني انا شخصيا نخدم كميات كبار جميع الأحجام ونخبي في الثلاجة يقعدو حتى شهرين كاملين ، وفي المجمد يقعدو 6 أشهر ، يلزم علبة محكمة الإغلاق وفقط.. كيما في شهر رمضان لقيت روحي موجدتهم نجبد قيسنا حنا في 5 افراد في دار ديجا 10 حبات بزايد ، نعمرهم فرماج ، ماسيدوان كمقبلات ، او نعمرهم بلي كرام شانتيي باتيسيار .. وحتى فواكه معسلة كتحليات
شاركو المنشور عميراتي وخلولي تعليق نشوف شحال تبغوني

360 degrés

360 degrés vous propose plusieurs recettes variées , faciles à réaliser et bien entendu succulentes .
زر الذهاب إلى الأعلى